Pilason ang isa ka lalaki matapos nga gintiro sang mga wala matumod nga persona sa Phase 1, Sitio Wayang, Barangay III-Poblacion, Himamaylan City, Negros Occidental sang Domingo sang gab-i, Hulyo 13.
Sa interview sang Bombo Radyo Bacolod kay Police Lt. Col. Anthony Grande, hepe sang Himamaylan City Police Station, ang biktima ang nag-inum sang makahulubog nga ilimnon sa tupad balay sini kag sang nagpauli na ini sa nadulom nga bahin antes ang iya balay may nagwa nga tawo nga gilayon nga nagtaya sang pusil kag siya ang gintiro.
Suno kay Grande nakaangkon ang biktima sang pilas sa natuo nga abaga.
Pagkatapos sini nagdalagan ang biktima kag naglumpat.
Nagtakas ini kag nagkadto sa Barangay agud nga madala ini sa ospital agud madapatan sang nagakaigo nga pagbulong.
Indi man makilala sang biktima kag kaso naman nga frustrated murder ang ipasaka batuk sa suspetsado.
