Isa ka lalaki sa Ghana, sa Western Africa nagpakilala nga siya isa ka propeta kag naghimo sang higante nga arko para salabaron ang katawhan sa baha nga gina-alegar sini maga-umpisa sa Disyembre 25.
Si Ebo Noah, nagapakilala bilang isa ka propeta kag naghambal nga malapit na lang matabo ang lapnagon nga pagbaha nga magalawig tubtob sa tatlo ka tuig.
Suno diri, masalbar lamang ang mga tawo kun magsakay sa arko nga ginhimo sini.
Madutay lamang ang nakakilala kay Ebo Noah kag wala sang may nakahibalo sang iya matood nga pangalan apang madamo sang nakakita sa iya nga nagabasa sang libro ukon nagatsekyar sang iya arko nga kahoy.
Madugay na sini nga ginapahibalo nga ginsugo siya sang Ginoo nga maghimo sang 10 ka arko.
Sa karun, suno kay Ebo Noah, may mga sapat na kaangay sang kanding kag pispis nga nag-abot sa lugar kun diin sini ginahimo ang arko.
Apang, madamo sa mga tawo ang nagakwestyon kun matood gid man nga may tawo nga si Ebo Noah bangod apisar nga madamo sang video clips sini sa social media wala sang may nakakita sa iya sa personal kag wala sang may nakahibalo kun diin ang lokasyon sang iya arko.
Iban nagapati nga AI lamang ini bisan nga ang mga videos kaangay nga matood kun lantawon.
