Arestado ang notorious nga gun-for-hire kag kawatan nga may standing warrant of arrest sa kaso may kaangtanan sa illegal nga droga, matapos nanghold-up sang iya ginmeet-up nga chatmate sa Bacolod City.
Ang suspect ang ginkilala nga si Alyas Pocholo.
Si Pocholo ang nahibaluan nga nagpakilala nga matahom nga babayi sa iya chatmate nga lalaki.
Apang sa ila na nga meet-up, si Pocholo ang nagadeklarar sang hold-up.
Ini ang natigayon nga madakpan, kag ginserbehan man gilayon sang iya mga pending warrant of arrest.
Si Pocholo ang naangot sa pila ka kinawatay sa Bacolod City, samtang siya ang ginatudlo man nga involved sa pagpangluthang nga natabo sa area nga sakop sang Bacolod Police Station 3.
Ang iya warrant of arrest ang angot naman sa paglapas sa Republic Act 9165 ukon paghupot kag pagbaligya sang illegal nga droga, nga ginpagwa sang korte sang Marso 18, matapos ginrevoke ang iya nga probation.
