Patay ang isa ka lalaki matapos mabun-an samtang naga-inom-inom sa Purok Makawiwili, Barangay Don Jorge Araneta ciudad sang Bago sang nagligad nga Sabado sang gab-i.
Ang biktima ang ginkilala kay Arnel Labrador samtang ang mga suspetsado naman amo sanday John Mark Dela Cruz, Kenneth Peregrino, Marlon Peregrino kag Randy Peregrino.
Suno sa nakasaksi nga si Bernard Noble, samtang nagainom sila upod sang biktima, hinali lang nga nag-abot ang mga suspetsado kag nagpamangkot kun sin-o ang maisog.
Nakita na lamang ni Noble nga ginabuno na ni Dela Cruz kag ni Marlon si Labrador samtang nagbulig naman kastigo si Kenneth sa biktima kag gintayaan ini sang pusil ni Randy.
Ginhingagaw pa nga gindala sa ospital si Labrador apang gindeklarar ini nga dead on arrival.
Nadakpan naman ang mga suspetsado sa ginpatigayon nga hot pursuit operation sang kapulisan.
