Dead on-arrival sa Lorenzo Zayco District Hospital ang lalaki matapos nga gintiro ang iya kaugalingon sa ciudad sang Kabankalan.
Alas-7:20 sang aga sang Noviembre 11 sang nagpang-lock sa iya kwarto ang biktima nga si Dandy Cordero, 46-anyos sang Tan Lorenzo St., Brgy. 2, Kabankalan kag gintiro ang iya kaugalingon.
Suno sa utod sang biktima nga si Marilou, nabatian niya ang pila ka beses nga pagkasa sang armas.
Makaligad ang pila ka minutos ginbuksan nila ang kwarto kag diri nakit-an ang biktima nga nagahayungon sa salog kag nagapaligo sa kaugalingon nga dugo.
Nakaangkun ang biktima sang isa ka igo sang armas sa iya dungan.
Samtang narekober sa sulod sang kwarto sang biktima ang madamo nga mga armas kag bala.
Ini ang ginalakipan sang isa ka cartridge sang 9mm; isa ka fired cartridge sang 45 cal.; 9 mm pistol; 45 caliber pistol; 7 ka bala sang cal. 45 kag 13 man ka bala sang 9mm.
Magluwas diri, narekober man ang gun case nga may unod nga magazine sang cal. 45; 45 caliber pistol nga may apat ka mga bala, 3 ka magazines nga may 36 ka bala sang 9mm pistol.
