Lalaki sa Manapla, nasapwan wala na sang kabuhi

Wala na sang kabuhi ang isa ka lalaki sang nasapwan nga nagabitay sa ila balay sa banwa sang Manapla kahapon.

Alas-8:00 kahapon sang aga sang nasapwan nga nagabitay na gamit ang electrical wire ang biktima nga si Alex Empedrad, 43-anyos, wala sang asawa sang Hacienda Cadayaw, Brgy. San Pablo, Manapla.

Ginpahayag sang utod sang biktima nga si Suzzete nga tatlo nakatuig nga may ginabatyag ang iya utod kag ginatago-tago lang sini.

Wala naman sang pagduda ang magulang nga nagpanginmatay ang iya manghod.