Padayon pa ang imbestigasyon sang Toboso Municipal Police Station agud matumod ang mga suspetsado nga nagpatay sa 35 anyos nga lalaki nga nagapaligo sa ila nga comfort room kahapon.
Ang biktima ang ginkilala kay Ladi Sultan kag residente sang Sitio Minsagibo, Brgy. San Isidro, Tobos.
Sa pahayag ni Police Major Joery Puerto, hepe sang Toboso Municipal Police Station, nagapaligo si Sultan sang may nagpundo nga motorsiklo sakay ang duha ka mga lalaki sa atubangan sang ila nga banyo.
Nagdalagan pa si Sultan sa katubuhan kag sang natumba ini, diri na siya gintiro sang mga suspetsado sa ulo.
Nagasuksok sang bonnet, nagakalo kag nakajacket ang mga suspetsado kag ginapahayag nga may Pajero nga nagahulat sa unhan sang balay ni Sultan.
Suno kay Puerto, tumandok sang Mindanao si Sultan kag nalakip sa high value target sang police station.
Ang iloy sini ang nagatrabaho sa luwas sang pungsod samtang ang iya nga live-in partner ang napriso man.
