Nagpahanumdom ang Land Transportation Office (LTO) sa publiko nga ang “wang-wang” para lamang sa mga otorisado magamit.
Suno kay Atty. Allan Sacramento, Legal Officer sang LTO Region 6, sa idalom sang Presidential Decree (PD) 96 ang President, Vice President, Senate President, Speaker of the House of Representatives, Chief of Staff sang Armed Forces of the Philippines, Chief sang Philippine National Police, LTO kag mga ambulansiya amo lamang ang makagamit sang “wang-wang” kag indi ini dapat nga gamiton sang private citizens.
Aminado si Atty. Sacramento nga may iban nga mga private citizens nga nagagamit sang “wang-wang” agod makalusot sa mabug-at nga dalagan sang trapiko gani suno sa opisyal, ginapabakod pa nila ang ila kampanya kontra illegal installations, sirens kag blinkers sa mga salakyan.
