Nagpatigayon sang land warfare drills ang tropa sang Pilipinas kag Australia bilang kabahin sang ALON Exercise 2025.
Suno kay Philippine Army spokesperson Col. Louie Dema-ala, ginpatigayon ang training sa Fort Magsaysay kag iban nga training areas sa Nueva Ecija.
Nalakip diri ang combat shooting, jungle operations, live-fire exercises kag urban combat nga suportado sang armor, artillery kag engineers.
Ini ang ginpakigbahinan sang 84th Infantry Battalion sang 7th Infantry Division ukon ang “Victorious Troopers,” nga nakatutok sa ground tactical training kag interoperability para mas mangin preparado sa nanari-sari nga inaway.
Tinutuyo sini nga pabakuron ang kapasidad sang mga suldado kag pabaskugon man ang connections sa mga kaalyado nga pungsod agud nga masiguro ang kooperasyon kag kabakod sang rehiyon.
Nag-umpisa ang ALON Exercise 2025 sang Aug. 15 kag magadugay tubtob sa Aug. 29 kun sa diin masobra sa 3,600 ka mga suldado gikan sa Pilipinas, Australia, United States, kag Canada ang nagtambong.
Ang mga international observers ang ginlakipan man sang Japan, South Korea, New Zealand kag Indonesia bilang international observers.
