Posible nga pila pa ka semana ang malabay tubtob nga matapna na ang bushfire nga nagluntad sa Southeast Australia nga nagsunog sa mga pamalay, pagkadula sang kuryente kag pagkasunog sang malapad nga kadutaan.
Ang kalayo naglapta sa masobra 300,000 ka ektarya humalin sang nakaligad nga adlaw kag ini nagguba sang masobra 130 ka propedad.
Kaina sang aga, may masobra 30 ka sunog sa Victoria kag sa New South Wales state naman nagdangat na sa emergency level ang sunog nga amo na ang pinakamataas nga danger rating sang Rural Fire Service.
Suno kay Chief Fire Officer Chris Hardman sang Forest Fire Management Victoria, posible nga pila pa ka semana antes matapos ang pagpakigbato sa kalayo bangod madasig ang paglapta sang kalayo nga tuga sang mainit nga panahon kag mabaskog nga hangin.
Sa karun may total fire ban na sa Victoria samtang padayon ang pagpalong sang kalayo sa bulig sang linibo ka firefighters kag masobra 70 ka aircraft.
