Lapsag, nasapwan nga nagautaw-utaw sa suba sa Sagay City

Yara na state of decomposition ang lapsag nga nasapwan nga nagautaw-utaw sa suba sa Purok Paghidaet, Barangay Baviera, ciudad sang Sagay.

Sa interview sang Bombo Radyo Bacolod kay Police Major Antonio Benitez, hepe sang Sagay City Police Station, wala sang identity ang nasapwan nga lapsag.

Gintestingan man nila nga tsekyaron sa lugar apang wala man sang nagbusong nga nagbata sa nasambit nga lugar.

Gilayon naman nga ginpalubong sang mga barangay officials ang lapsag.

Ginpatihan man nga sa higad sang suba nagbata ang isa ka babayi kag ginbilin na lamang ang lapsag.

Sa karun, padayun pa ang pagpangita sang iloy sang lapsag.