Ginkompirmar sang hepe sang Pulupandan Municipal Police Station nga ginbawian na sang kabuhi ang lapsag nga una ginlubong sa Public Cemetery sa banwa sang Pulupandan, Negros Occidental, kahapon, Agusto 21, 2022 apang nadiskubrehan nga buhi matapos nabatian sang sepultorero nga nagang lapsag.
Sa interview sang Bombo Radyo kay Police Capt. Ryan Villasario, ginahibalo pa ang rason sang kinamatyan sang bata.
Suno kay Villasario, sang gindala sa ospital ang lapsag maayo man ang kahimtangan sini kag wala man sang pilas.
Ginakuha pa sang mga kapulisan ang data sang bata sa Rural Health Unit (RHU) kag ospital agud mabal-an kun anu ang kondisyon sang bata.
Ginpahayag man sini nga maayo man ang sitwasyon sang iloy sang bata nga ginpadulungan man sang imbestigador sang Pulupandan Municipal Police Station para sa dugang nga imbestigasyon.
