Nasapwan sang mga nagapaligo nga mga kabataan sa suba sa Hacienda Granada, Barangay Matab-ang, Talisay City, Negros Occidental ang isa ka lapsag nga ginsulod sa microwavable nga balunan matapos nga maanod kahapon.
Sa interview sang Bombo Radyo Bacolod kay Police Major Karena Tenerife Onio, deputy chief sang Talisay City Police Station, may nagtawag sa ila nga nagikan sa Barangay Matab-ang agud nga magpahibalo sa nasapwan nga lapsag nga nakita sang mga kabataan nga nagapaligo sa suba.
Suno kay Onio, ginpadulungan man ini sang katapo sang Women and Children’s Protection Desk (WCPD) kag kapulisan man sang Talisay City Police Station agud maverify ang report kag makita man ang sitwastyon didto.
Suno diri, nagpamangkot man ang katapo sang Talisay City Police Station sa mga posible nga iloy sang bata bangud kun lantawon ang sitwasyon sang lapsag ini ang gina-aligar nga biktima sang abortion matapos nga ini ang kumpleto na sa body parts kag ginabanta anum na ka bulan kasubong man makita na nga isa ini ka baby boy.
Wala man nakita ang mga kapulisan nga mahimo nga nagpahulog sang lapsag gilayon man ang mga nagcoordinate sa Department of Social Welfare and Development sang syudad kag gilayon man nga ginlubong ang bata.
