Lapsag nga wala na sang kabuhi kag ginsulod sa sako, nasapwan sa banwa sang Toboso

Ginpahayag sang spokesperson sang Negros Occidental Police Provincial Office nga gin-report nga nakita sang isa ka concerned citizen ang lapsag nga wala na sang kabuhi samtang naputos sa tela kag ginsulod sa sako sang bugas malapit sa balay sang ila kaingod sa Sitio Maaswa, Barangay General Luna, Toboso, Negros Occidental sang hapon sang September 3.

Sa interview sang Bombo Radyo Bacolod kay Police Major Judeses Catalogo, nag-request naman sang postmortem examination agud mahibaluan ang gintunaan sang kamatayon sang lapsag nga ginaalantaw bag-ong bun-ag.

Padayon sa karun ang imbestigasyon sang mga kapulisan agud nga matumod ang possible nga mga ginikanan sang lapsag.