Wala na sang kabuhi ang isa ka lapsag nga lalaki nga nasapwan sa 24th Street, Barangay 1, Bacolod City kagab-i.
Sa interview sang Bombo Radyo Bacolod kay Remar Laquiña, nakakita sa lapsag, mapauli na ini kuntani bangud siya ang nagapang-scrap sa lugar sang nakita sini nga may naputos sa habol.
Ginhakwat niya ini kag nakita nga lab-as pa ang dugo ginlantaw niya ang bag nga yellow.
Liwat niya nga ginlantaw ang habol kag sang gin-alsa na sini nag-usos na ang ulo sang lapsag.
Suno kay Remar, bangud sa nakita nga lapsag dali dali ini nga nagpadulong sa Bacolod Police Station 2 agud nga ipahibalo kag mahimuan sang blotter report.
Suno diri may naabtan siya sa unhan nga nakamotor apang sa madulom nga bahin sang lugar apang wala mahibaluan kun may yara sang ginahulat.
May isa man ka babayi nga nagasakay sa e-bike kag nagestoryahanay sila sang lalaki kag sang nakaabot ini sa unhan nakita niya na ang habol nga nakaputos sa lapsag.
