Igadul ong na subong nga adlaw sa ulihi nga palahuwayan si Msgr Felix Pasquin kaupod si Rev Fr Romeo E. Empestan.
Ulihi nga ginhaya kagab-i ang duha ka mga pari sa San Antonio Abad Parish Church kun sa diin pila sa mga himata sang mga ini ang nagdumdom sang mga maayo nga binuhatan sang mga ini samtang sila ang nagakabuhi pa.
Karun alas 12:00 ang takna sa udto pagadal-on sa San Sebastian Cathedral ang bangkay nanday Msgr. Pasquin kag Fr Empestan agud nga mamisahan antes igadul-ong sa Bacolod Memorial Park.
Magluwas sa mga tumuluo kag mga himata sang mga nagtaliwan nga pari, nagbisita man si anay Bacolod City Mayor Evelio “Bing” Leonardia sa haya ni Msgr. Pasquin kag Fr. Empestan.
Madumduman nga dako kilala si Msgr Pasquin bangud sa kaayo sini kag dako man ang nangin kabahin sini sa Bombo Radyo Philippines bangud mahapos ini palapitan sa tion sang kinahanglan.
Antes pa ini nagtaliwan nagpangayo pa ini sang dugo kasunod sang pag-admit sini sa ospital.// Nakahatag pa ini sang mensahe para sa paskwa kag bag-ong tuig.
