Launching sang 28th Panaad sa Negros Festival, napatigayon na kahapon

Ginlunsyar na kahapon, Marso 18, ang 28th Panaad sa Negros Festival paagi sa isa ka programa nga ginpatigayon sa Provincial Capitol Park and Lagoon sa ciudad sang Bacolod.

Ang 28th Panaad sa Negros ukon ang “mother of all festivals” sa probinsiya sang Negros Occidental ang patigayunon sa Abril 15 tubtob 21.

Samtang, kadungan sang launching sang Panaad Festival, ginpresentar man ang 29 ka mga kandidata sang Lin-ay sang Negros.

Nahibaluan nga may tatlo ka mga LGUs nga wala sang kandidata sa Lin-ay nga ginalakipan sang Manapla, Valladolid kag Pulupandan.

Napuno naman ang Capitol Lagoon sang mga tawo kagab-i nga nagsaksi sang paglunsyar sang nasambit nga Festival kag sashing sang mga kandidata.