Kapin 40,000 tanan ang nagtambong sa ginpatigayon nga “Gab-i sang Asenso” sa Paglaum Sports Complex, kagab-i.
Alas 3:00 kahapon sang hapon nag-umpisa ang programa sa pagpanguna ni Bacolod City Mayor Alfredo “Albee” Benitez kag yara man ang 40 ka miyembro sang Grupo Progreso kag mga konsehal kasubong man si Bacolod City Vice Mayor El Cid Familiaran.
Nagpatigayon man sang pa-raffle nga may noche buena gift packs bilang papremyo kag cash prizes.
Sa interview sang Bombo Radyo kay Congressman Greg Gasataya, ang Gab-i sang Asenso nga ginpatigayon ang para sa unity sang ciudad sang Bacolod.
Suno diri, ini kinahanglan para sa kooperasyon sang kada -isa sa pagpatigayon sang programa kag proyekto sang ciudad gani nagpasalamat ini sa tanan nga nagtambong.
Samtang, nangin malinong naman ang pagpatigayon sang programa sa bulig man sang mga kapulisan kag Public Order and Safety Office (POSO) personnel kasubong man sang mga medic.
