Ginpahayag sang Science Analyst sang Philippine Institute of Volcanology and Seismology (PHIVOLCS) sa ciudad sang La Carlota, Negros Occidental, nga posible magluntad ang lava flow kun matabo ang major eruption sa Bulkan Kanlaon.
Santo sa 24 hours monitoring, may yara sang narekord nga 19 ka volcanic earthquakes kun sa diin nagdangat sa 4,257 tonnes per day sang sulfur dioxide ang ginbuga sini kag nagdangat sa 75 meters ang kataason sang plume nga nagpadulong sa nakatungdan nga dereksyon.
Sa interview sang Bombo Radyo Bacolod kay Darryl Arro, padayon ang monitoring sa gulpyada nga pagnubo kag pagsaka sang seismic activities kag pagbuga sang sulfur dioxide nga indikasyon sa paglupok sini.
Suno pa diri, kun may pagbara sa baba sang bulkan dako ang tsansa nga matabo ang major eruption kag maeksperyensyahan ang overflow sang lava.
Nagpasalig naman ini nga wala untat ang ila monitoring sa bulkan sa karun nga yara sa Alert Level 3 ang status sini.
