Nasapwan na ang 4 anyos nga bata nga lalaki nga naanod sa suba sa Purok Pag-asa, Barangay Alijis, Bacolod City kahapon.
Ang bata ang nasapwan ni Rico Diolata sa baybayon sang Purok Servando, Barangay Singang-Airport kapin alas-9:30 kaina sang aga.
Pahayag sini nga luyag niya nga makabulig sa pagpangita sa bata, kag kapin tres minutos lamang humalin sang magsugod pangita sang nasapwan sini ang bata.
Suno kay Diolata, hunas sang nakita sini ang bata, kag ini ang nagagit-om na kag natangkasan sang kawayan.
Wala man pilas ang biktima kag indi paman bloated ang lawas.
Kumpleto man ang panapton sini magluwas lamang sa tsenelas.
Suno kay Diolata, nagaisahanon lamang sini nga ginhakwat ang lawas patakas kag amo na nagtawag sang mga kaupdanan kag Barangay officials.
Madumduman nga ang bata ang kaupod sang iya iloy kag duha ka utod kapin alas-4:30 kahapon sang hapon kag sang sila ang nagtabok sa pika-pika, ginapahayag nga nakadalin-as ang mga ini sa kahoy nga taytay.
May ara naman sang bystander nga nakabulig sa iloy kag duha ka kabataan apang ang 5 anyos ang nataban sang daludo.
