Ginkumpirmar sang Congressman sang Lone District sang Bacolod nga ginpirmahan na ni Presidente Rodrigo Duterte ang iya gin-author nga hagna nga magapasaka sang bed capacity sang Corazon Locsin Montelibano Memorial Regional Hospital (CLMMRH).
Suno kay Congressman Greg Gasataya, nagligad nga Agosto 28, 2019 sang ginpirmahan sang presidente ang RA 11441 nga nagapasaka sang bed capacity sang CLMMRH gikan sa 400 saka sa 1000.
Bangud sang kasuguan suno kay Gasataya, may yara na sang basehan ang Department of Health (DOH) nga pasakaan ang pondo sang regional hospital kag subong man ang mga pasilidad, doktor, nurses kag mga bulong.
Kadungan sini ang pagpasalamat ni Cong. Gasataya sa mga nagsuporta sa iya ginsulat nga hagna upod na ang iya mga co-authors kag si former Senator JV Ejercito nga anay chairman sang Committee on Health sa Senado nga nag-adopt sang iya bill matapos ini napasar sa Kamara de Representantes.
