Ipatuman na sa Singapore ang mga bag-o nga layi nga nagaduso nga proteksyunan ang mga pumuluyo batok sa online sexual abuse, kalakip ang paggamit sang artificial intelligence (AI) agud mag-ubra sang mga sexual content.
Sa idalom sang bag-o nga layi, ginakabig na nga krimen ang paghimo sang intimate images kalakip ang AI-generated materials, nga wala sang consent.
Mahimo mapriso sang tubtob duha ka tuig kag pamultahon ang mga naglapas.
Mas mabug-at naman ang penalidad kun menor de edad ukon indi pa katorse anyos ang biktima.
Mahimo man makasuhan sa Singapore ang mga suspek nga naga-groom sa mga menor de edad naggikan sa iban nga pungsod kag naga-ubra sang sexual offense, kun ang suspek ukon biktima ang nagbyahe naggikan sa Singapore antes natabo ang krimen.
Para sa mga biktima nga 13 anyos padalom, mahimo magdangat sa pito ka tuig ang pagkapriso sa mga mapamatud-an nga nag-groom kag nag-abuso sa mga bata sa iban nga pungsod.
Santo sa Singapore Ministry of Home Affairs, katuyuan sang layi nga mapadasig ang pagpatuman sang mga layi batok sa online sexual abuse kag mabuhinan ang pag-ubra ukon pagpalapta sang AI-generated sexual materials.
