Ginaduso ni Land Transportation Franchising and Regulatory Board (LTFRB) Chairman Teofilo Guadiz III nga mapasar ang layi para maregulate ang motorcycle taxis nga makabulig sa kakulangan sa transportation system.
Suno diri, napasar na sang House of Representatives ang version sini kag ginahulat na lamang ang desisyon sa Senado apang ginalauman man ni Guadiz nga mapasar ang layi antes matapos ang 19th Congress.
Ginpa-athag man sini nga nangin legal lang ang motorcycle taxi bangod sa pilot study nga ginapatigayon apang kun matapos na ang 19th Congress indi na ang mga ini maka-opearte.
Pahayag ni Guadiz, indi perpekto ang transport system nga kun kaisa ginakulang ang jeep kag bus nga nagabyahe sa dalanon, kag ang motorcycle taxi amo ang makabulig agud masolbar ang kakulangan.
