Ginpirmahan na ni Presidente Rodrigo Duterte ang kasuguan nga naga-postpone sang barangay kag Sangguniang Kabataan elections, nga orihinal nga naka-schedule sa May 2020, padulong na sa December 5, 2022.
Ang Republic Act 11462 ang ginpirmahan ni Presidente Duterte sa seremonya sa Malacañang.
Bangud sang bag-o nga kasuguan, may yara na sang duha ka elections sa 2022 nga ginalakipan sang presidential election sa May kag ang Barangay kag SK elections sa Disyembre.
Ang mga incumbent barangay kag SK officials ang magapabilin sa ila pwesto tubtob nga may mapilian na nga magabulos sa ila, pinaagi sa eleksyon.
Matapos ang 2022, may patigayunon na nga eleksyon tagsa tatlo katuig.
Nahibaluan nga mismo si Presidente Duterte ang naghingyo sa Kongreso nga ipaisol ang 2020 barangay kag SK elections sa iya nga ika-apat nga State of the Nation Address sang Hulyo.
