Ginpahayag sang Local Civil Registry (LCR) sang Bago City, Negros Occidental nga lisensyado nga pari si Rev. Fr. Mario D. Divina sang Eastern Catholic.
Sa interview sang Bombo Radyo kay Meriam Huerva, head sang Local Civil Registry- Bago City, kumpleto ang ang mga papeles ni Divina kag naga-renew sang iya lisensya kada tuig.
Suno diri, lisensyado man ini nga magkasal kag magbunyag nga kun siya ang pari nga ginkuha, gianderetso man sini sa opisina sang LCR ang mga dokumento.
Apang, pahayag ni Huerva, wala lang nakapa-acknowledge si Divina sa Diocese of Bacolod bangod ang direct office sini ang yara sa Manila kag ang ila main church ang yara sa Syria.
Samtang, ginklaro ni Rev. Fr. Mario D. Divina nga siya ang kabahin sang Eastern Catholic kag indi miyembro sang Roman Catholic Church.
Mahibaluan nga may mag-asawa nga luyag magpabunyag sang ila bata sa Roman Catholic Church apang ginkwestyon bangod ang ila kasal ang nakaregister sa Eastern Catholic.
Sa interview sang Bombo Radyo kay Rev. Fr. Mario D. Divina, siya ang anay miyembro sang Aglipay, kag nagsaylo sa Eastern Catholic.
Suno diri, siya ang isa ka missionary priest nga nagalibot-libot sa mga parokya samtang ang ila simbahan ang ginaconstruct pa matapos nga naguba bangod sa mga naglabay nga bagyo.
Gin-athag sini nga siya ang indi kabahin sang Roman Catholic Church kag nag-agi ini sa seminar kun paano magkasal kag magbunyag.
Mensahe ni Divina, indi dapat magkabalaka ang mga tawo bangod ang nagaguba sa iya ang wala lamang naka-intindi sa iya trabaho nga gintun-an.
