Opisyal na nga ginkakas sang Eraserheads ang isa sa miyembro kag lead guitarist sini nga si Marcus Adoro kasunod sang akusasyon batok diri nga sexual harassment.
Suno sa nangin pahayag ni Ely Buendia, leader sang Eraserheads, sa post sini sa iya nga social media ginpahayag ni Ely nga ila ginakilala ang mga naggwa nga mga akusasyon kag hugot nila ini nga ginakondenar ang anuman nga sahi sang pagpangabuso.
Ang pahayag ang kasunod sang ginpagwa nga pelikula sang Eraserheads nga ‘Combo on The Run’, nga nagatalalang sang estorya sang banda kalakip na ang ila ang reunion concert sadtong 2022.
Gani nadesisyunan sang grupo nga kakason anay si Marcus nagikan sa ila nga mga proyekto kalakip na ang nagahilapit nga concert sang banda sa May 31 sa Festival Grounds sa Parañaque City.
Nahibaluan nga ang mga akusasyon batok kay Marcus ang una nga nagwa sang Marso sa isa ka social media platform kun sa diin isa ka netizen ang nag-akusar bangud sa alegasyon nga ini ang ginrape ni Marcus sang ini ang high school pa lamang.
