League of Cities, naga-apelar sa DBM nga bag-uhon ang guidelines para sa Collective Negotiation Agreement
-- ADVERTISEMENT --

Nag-apelar ang League of Cities sa Department of Budget and Management sa bag-o nga guidelines para sa Collective Negotiation Agreement (CNA).

Sa pahayag ni Bacolod City Mayor Greg Gasataya, sang tinalikdan nga semana ang League of Cities ang nagpadala sang komunikasyon sa DBM sa pag-apelar sa guidelines nga gamiton para sa paghatag sang CNA sa mga qualified government employee bangud sa tuman ka ubol nga tion para sa pag-comply sang requirements nga ginpanaog sang nasambit nga ahensya.

Suno kay Gasataya, nagpagwa sang memorandum sang November 4 apang ang retro sang guidelines ang sang September 30 gani pila lamang kaadlaw ang preparasyon.

Pahayag pa sang alkalde nga ubrahon sang ciudad ang mga kinahanglanon agud nga ma-resolve ang nasambit nga concern.

Dugang pa sini nga indi insakto ang nagagwa nga impormasyon nga wala ang ciudad nakasubmit sa deadline bangud ang ciudad ang nakapasa na sang mga kinahanglanon para sa mahatag ang CNA subong sadtong January 29, 2026 pa.

-- ADVERTISEMENT --

Nagalaom ang alkalde sang positibo nga sabat nagikan sa DBM.