Ginkilala si LeBron James bilang pinaka-una nga player sa NBA history nga nakascore sang 50,000 career points kun sa diin mas ginpalapad pa gid sini ang iya lead bilang all-time record scorer sa paglab-ot sa milestone tally nga posible wala na sang may makalapaw pa sa iya.
Ang Los Angeles Lakers superstar naghampang batok sa New Orleans Pelicans nga may 49,999 regular kag postseason points kag wala lang man nadugayan ang 40-year-old NBA icon sa pagkuha sang solitary point nga kinahanglan para malab-ot ang 50,000-point barrier.
Sa karun kapin sa 6,000 ka puntos ang ginlabaw ni James sang sa kay career points ni Abdul-Jabbar nga 44,149.
Ini ang ginasundan ni Karl Malone nga may 41,689 points kag the late Kobe Bryant nga may 39,283 points samtang si Michael Jordan naman ang may all-time scoring list nga 38,279.
Dugang pa nga nakuha man ni James ang isa pa gid ka NBA record bilang Western Conference Player of the Month sang Pebrero kun sa diin siya ang pinakatigulang nga lalaki nga makadaog sang amo nga award.
