Ginauyatan sagihapon ni Los Angeles Lakers star LeBron James ang titulo nga highest paid player sa NBA.
Suno sa Forbes, ini ang ika 11 nga tuig nga ginauyatan ni James ang nasambit nga titulo.
Subong nga 2024-25 season may yara ini sang $48.7 million nga sweldo kag estimated nga $80 Million nga tuigan nga sweldo nagikan sa mga endorsements, licensing, memorabilia kag pila ka mga business endeavors.
Ang kabug-usan sini nga sweldo nga $128.7 Million amo ang pinakamataas sa sulod sang 15 ka tuig sa maragtas sang NBA ranking sang Forbes.
Nalapawan sini ang iya nga kabug-usan nga sweldo sang nakaligad nga tuig nga masobra sa $124.5 Million.
Nag-umpisa si James nga malakip sa listahan sadtong 2014-15 nga may yara ini sang $64.6 million assestsa kada tuig.
Yara sa ikaduha nga pwesto naman si Golden State Warriors star Stephen Curry nga may yara naman sa $105.8 Million, pangatlo naman sa pwesto si Kevin Durant sang Phoenix Suns nga may yara sang $99.9 Million, pang-apat nga pwesto si Milwaukee Bucks star Giannis Antetokounmpo nga may sang income $93.8 Million kag panglima ka pwesto si Damian Lillard nga may yara sang income nga $64.8 Million.
