Gindepensahan sang legal counsel sang Choret Corporation nga ginhimo lamang sang Bacolod Traffic Authority Office (BTAO) ang nagakaigo para sa safety sang mga commuters.
Madumduman nga walo ka mga modernized jeepney ang gintow sang BTAO matapos ginreport sang Choret Corporation nga ini ang nagabyahe nga wala sang Mayor’s Permit.
Sa interview sang Bombo Radyo Bacolod kay Atty. Elnora Olora Abaygar, sila ang may 92 tanan ka units nga nagabyahe sa Eroreco, San Dionesio kag Punta Taytay nga routa, samtang 44 naman ka mga units ang nagabyahe Punta Taytay – Central Market.
Paathag sang abogado nga sanday Philip Burata, nga isa sa mga operator sang gintow nga units ang sadto ang matukod kuntani sang korporasyon apang wala napadayun tubtob nga ang mga ini ang nagdesisyon na lamang magsulod sa existing company nga Choret.
Nagsalig man sila kay Burata gani sila ang nagkasugot verbally nga ini magaserbe nga overseer sang operation sa Punta Taytay sa kasugtanan nga ini ang dapat magremit sang mortgage obligation nga P1,000 kada unit sa Land Bank of the Philippines kada adlaw ukon P44,000 kada bulan sa kada units.
Suno kay Abaygar, sa pagdugay hinali nalang nag-untat sa pagbayad sang mortgage obligation si Burata kag didto na nag-umpisa ang ila indi paghangpanay.
Tubtob nga sila ang ginfilan na sang Choret sang 38 counts of carnapping.
Bangod nagadalagan ang kaso, kag maathag sa tanan nga papelis nga sa Choret nakapangalan ang mga units, sanday Burata ang wala gin-issuehan sang Mayor’s permit, apang nagpadayun gihapon sa pagbyahe.
Panindugan ni Abaygar nga inkaso may mahitabo sa mga units, ang magapanabat amo ang Choret bangod ila pangalan, kag wala man sang insurance ang pagbyahe nga wala sang Mayor’s permit.
Sa karun ang iban sa mga units ang nabawi na sang Choret kag 25 ka units na lamang ang nabilin nga yara kanday Burata.
Paathag ni Abaygar nga luyag nila sang settlement apang nagapakatig-a ang pihak nga partido.
Sa karun magluwas sa carnapping ginaplano naman sang Choret nga magfile sang kaso nga qualified theft ukon estafa bangod sa indi pagbayad sang mortgage obligation.
