Nagpanindugan ang legal counsel sang ALMANA Property and Development Corp. (APDC) nga indi nagakadapat nga pagpasugtan ang ginahingyo sang Bacolod Real Estate Development Corp. (BREDCO) nga Resolution of No Objection bangud magalapas ini sang kinamatarong sang nasambit nga korporasyon.
Sa interview sang Bombo Radyo Bacolod kay Atty. Silverio Sorbito, legal counsel sang ALMANA Property and Development Corp. (APDC), santo sulat sang Bacolod Real Estate Development Corp. (BREDCO) nagapangayo ang mga ini sang approval sa Sangguniang Panlungsod sa ciudad sang Bacolod sa ila application sang Resolution Of NO Objection ukon RONO para sa 25 hectares nga igareclaim para sa re-engineering kag re-planning.
Suno kay Sorbito, indi nagakadapat nga pag-issuehan sang RONO sang Sangguniang Panlungsod ang BREDCO bangud ini ang magalapas sang kinamatarong sang Almana.
Suno sa abugado, ang ila nga ginbasehan amo ang layi kag ang kontrata nga naexecute sa tunga sang ALMANA Property and Development Corp. (APDC) kag Bacolod Coastal Ventures Corp. (BCVC).
Suno diri, sa idalom sang layi ang may yara sang preferential right kag ang magreclaim sa nasambit nga lugar amo ang ALMANA bangud ang nasambit nga korporasyon ang tag-iya sang kaiping nga duta.
Suno pa kay Sorbito, sang ginbakal sang ila kliyente ang property sang 2012, kalakip sa nakasaad sa kontrata ngaa ginbakal sang ALMANA Property and Development Corp. (APDC) ang area bangud luyag man sini nga idevelop gani nakasaad gid sa nasambit nga kontrata nga indi mahimo magreclaim sa lugar ang BREDCO.
Ginpahayag man sang abugado nga sang nabatian sang BREDCO nga ang ALMANA ang may yara sang unsolicited proposal nagpasunod man ang ini sa pag-apply sang RONO para sa reclaimation nga para re-engineering kag replanning.
Suno kay Sorbito ang BREDCO ang wala sang preferential right bangud bisan ano pa ang ila nga kinamatarong ang nasapawan na pabor sa ALMANA bangud ini ang nakasaad sa kondisyon sa deed of sale.
Indi man mabalibad sang BREDCO nga lain si BCVC bangud ang duha ka kumpaniya ang ginrepresentar ni Atty. Palanca.
Suno pa diri nga ang initial nga ginbayad ni Mr Corpuz sang ALMANA nga P45 million ang nagkadto sa BREDCO.
Gani nagapanawagan ini sa ciudad sang Bacolod nga dapat indi pagissuehan sang RONO para sa dugang nga 25 hectares nga reclaimation ang BREDCO kag dapat mangin mahinalungon ang mga SP sa pagdesisyon sa pagpahanugot ukon indi sang issueance sang RONO.
