Ginpahayag ni Vice President Sara Duterte nga nagapreparar na ang iya legal team para sa impeachment trial sini samtang nagaatipan ini sang legal preparations sang iya amay nga si former President Rodrigo Duterte, nga nakadetain sa karun sa The Hague, Netherlands.
Suno diri, maayo ang tanan sa impeachment bangud antes pa man ang extraordinary detention sang anay Presidente, natukod na ang team para sa impeachment.
Gani, nakaset na ang tanan kag nagapreparar na lamang sila sa trial.
Suno kay VP Sara, indi sini mabiyaan ang iya amay nga nagaisahanon sa Netherlands tubtob nga mafinalize na ang iya kaugalingon nga legal team.
Dugang pa sini nga bangud nakafile na sang impeachment batok sa iya kag yara na sa Senado, sarang nga mahambal sang mga nagapamatok sa iya ang ila luyag sa bahin sang confidential funds sa Office of the Vice President kag Department of Education nga iya ginpamunuan sadto.
