Ginkwestiyon ni Davao City Mayor Sebastian “Baste” Duterte, bata ni former President Rodrigo Duterte, ang legalidad sang mga operasyon nga ginpatigayon sang kapulisan sa latest attempt nga pag-aresto sa ginaalegar rapist kag pugante nga televangelist nga si Apollo Quiboloy.
Suno sa alkalde sang Davao, ang operasyon sang Philippine National Police, nga nagapadayon sa sulod sang 13 ka adlaw, ang nag-expose sang kahadlok kag mga pamangkot natuhoy sa integridad kag legalidad sang police operations.
Suno diri, iya ginarespetar ang implementasyon sang maskin ano nga warrant basta yara ini sa layi kag wala nagatrample sa constitutional rights sang iban nga tawo.
Suno diri, sila ang committed sa pagmintinar sang harmony kag magapadayon sa pagtrabaho padulong sa isa ka luwas kag malinong nga ciudad sang Davao para sa tanan.
