Nagtaliwan na ang legendary actor nga si Donald Sutherland sa edad nga 88.
Ginkumpirmar ini sang iya bata nga actor man nga si Kiefer Sutherland kun sa diin may yara na sang madugay na ginabatyag ang iya amay.
Ginbun-ag ang actor sa New Brunswick, Canada kun sa diin nag-umpisa siya bilang radio news reporter antes naghalin sa Canada kag nagpadulong sa London agud nga magtuon sa London Academy of Music and Dramatic Art.
Nagplay man ini sang role sa pila ka mga British film kag television.
Nag-umpisa siya nga nagbida sa pelikula nga “The Dirty Dozen” nga isa ka World War II action film sang 1967 kag pelikula nga “The Hunger Games: Mockingjay-Part 2” sang 2015.
Naggwa ini sa mga TV series nga Dirty Sexy Money kag Commander-in-Chief sang tuig 2000.
Apisar nga nakahimo na ini sang yara sa 150 na ka pelikula, wala ini sang nomination sa Oscar Awards apang nakabaton man ini ang pila ka mga accolades, kalakip na ang Primetime Emmy Award, kag duha ka Golden Globe Awards.
