Nagapati si anay Senator kag Justice Leila de Lima nga may nabal-an man si PLtCol. Jovie Espenido sa gin-alegar nga pagdalahig sa iya sadto Negosyo sa illegal nga druga.
Ginhimo ni de Liman ang pahayag kasunod sang testimoniya sang Biyernes ni self-confessed drug lord Kerwin Espinosa sa hearing sang Quad Committee sang House of Representatives.
Nagapati si de Lima nga apisar nga nagtestigo na si Espenido sa mga nakaligad nga hearing sang Quad Comm, madamo pa ini sang nahibaluan angot sa mga iregularidad sa kampaniya batok sa illegal nga druga sang nakaligad nga administrasyon.
Partikular na nga gintumod sang Senadora ang una nga pahayag ni Espenido sadtong panahon ni anay Presidente Rodrigo Duterte nga gin-alegar nga illegal drug protector si de Lima.
Madumduman nga sa una nga pagtestigo ni Espenido sa Quad Committee gin-ako sini ang gin-alegar nga plano nga pagpatay sa illegal drugs personalities sa idalom sang quota and reward system’ nga ginpatuman sang PNP.
