Ginpahayag sang isa ka doctor sa ciudad sang Bacolod nga dapat indi isa lang ka bulong ang gin-inject kay Christa Pike agud ini ang mapatay.
Nahibaluan nga si Christa Pike ang isa ka priso sa Tennessee nga ginpamatbatan sang execution paagi sa lethal injection.
Sa interview sang Bombo Radyo Bacolod kay Dr. Vicente Iturriaga, ang gingamit nga bulong sa nasambit nga injection ang Pentobarbital, ang isa ka short acting barbiturate nga nagapahina sang central nervous system.
Suno kay Ituriaga posible nga expire na kag wala na sang potency ang bulong nga ginhatag kay Pike sa lethal injection rason nga wala ini matapat.
Ginalantaw man nga naoverdoze si Pike apang wala matapat.
Suno sa doctor kuntani ginpasundan ang pag-administer sang bulong.
Suno kay Ituriaga agud matapat kuntani si Pike pagkatapos sa pag-inject sang Pentobarbital nga magaresulta sa pagtulog sini ginpasundan sang paralytic agent agud maparalyze ang baga sang tawo kag ginhatagan sang potassium.
Para man sa doctor nga nakasurvive na si Pike apang brain dead gani nagapabilin sa ospital gani indi na dapat paghatagan liwat sang death penalty.
Ini bangud ang nasambit nga silot ang may purpose nga mabatyagan sini ang kasakit nga nabatyagan sang biktima sang ginhimo sini ang krimen.
