Natalana nga ipanagtag sa Lunes, Hunyo 8 ang libre nga school supplies gikan sa city government sang Bacolod City.
Gin-anunsyar ni Bacolod City Mayor Greg Gasataya nga ipanagtag sa Lunes ang mga school supplies sa public schools sa ciudad halin Kinder tubtob Grade 12.
Ang Kinder makabaton sang 4 ka customized notebooks, 3 ka roll sang grade 1 writing pads, 1 box sang 12 pieces sang No. 2 pencils; 2 pcs sharpeners, kag 1 custom backpack.
Ang Grades 1 to 3 makabaton sang 10 notebooks, 4 rolls intermediate pads, 1 box sang No. 2 pencils, 2 pcs sharpeners, kag 1 custom backpack.
Ang Grades 4 to 6 makabaton sang 10 pcs sang 80-leaves notebooks, 4 rolls intermediate pads, 2 boxes sang 24 pcs black ballpens, 2 pcs. red ballpens, 2 pcs. No. 2 pencils, kag 1 custom backpack.
Samtang ang Grades 7 to 12 naman makabaton sang slingbag kag 1 set sang PE uniforms.
Suno kay Gasataya, tinguhaan nga matapos sa sulod sang isa ka semana ang pagpanagtag sang school supplies.
Suno diri, indi na kinahanglan magproblema sang mga ginikanan sa pagbakal sang school supplies bangod napreparahan na ini sang ciudad nga libre ipanagtag umpisa sa Lunes.
