Umpisahan na sa madason nga semana ang pagpanagtag sang libre nga school supplies para sa mga estudyante sa pampubliko nga eskwelahan sa ciudad sang Bacolod.
Sa interview sang Bombo Radyo Bacolod kay Councilor AL Victor Espino, chairman sang Committee on Education sa Sangguniang Panlungsod, napirmahan na sang alkalde ang purchase requests para sa pagbakal ang school supplies nga ipanagtagtag sang libre sa mga estudyante nga Grade 1 tubtob Grade 6 sa pampubliko nga eskwelahan
Suno kay Espino, ang Department of Education na ang magahimo sang listahan para sa mga mahatagan sang libre nga school supplies.
Dugang pa sini nga ginhambalan naman ang supplier nga magcomply sa 10 day delivery period.
Sang tinalikdan nga semana gin-abisuhan ang mga ginikanan nga indi lang anay pagbaklan sang madamo nga school supplies ang mga estudyante.
