Nagpasalig ang chairman sang Comittee of Education sang Sangguniang Panlungsod sa ciudad sang Bacolod nga mahatag ang libre nga school supplies sa mga Elementary Pupils sa pagbukas sang klase para sa 2026-2027.
Sa interview kay Councilor AL Victor Espino, ang Executive kag Local School Board ang nakaumpisa na sa bidding process para sa procurement.
Suno kay Espino, sang nagligad nagkaproblema lamang bangud sa migration halin sa daan nga procurement law padulong sa bag-o nga layi.
Suno diri, sa sulod na sang pila ka tuig masami man nga nahatag ang school supplies antes klase bisan sa tion pa ni anay Bacolod City Mayor kag sa karun Bacolod City Lone District Representative Albee Benitez.
Suno sa konsehal ihatag na sini kay Bacolod City Mayor Greg Gasataya ang paghambal kun pila kag ano ang unod sang ihatag nga school supplies.
