Ginalauman nga mapanagtag na ang libre nga school supplies para sa elementary pupils sang schools sa ciudad sang Bacolod.
Suno kay Bacolod City Councilor Al Victor Espino, chairman sang Committee on Education sa Sangguniang Panlungsod, lauman nga mapanagtag na ang libre nga school supplies para sa Grade 1 tubtob sa Grade 6 nga mga estudyante sa kataposan nga semana sang Agosto.
Suno diri, ang ipanagtag subong nga tuig ang kaangay man sang tinalikdan nga tuig kag plastic envelope na lang ang ihatag sabaylo nga bag.
Mahibaluan nga santo sa ordinansa P15 million ang budget para sa libre nga school supplies apang P29 million ang nagasto para sa 72,000 ka mga estudyante bangud suno kay Espino nagasaka ang presyo sang balaklon kag numero sang mga estudyante.
Pahayag sini nakadepende sa local chief executive kun ano ang mas maayo para sa pag-amyenda sang ordinansa agud mapasaka ang budget para sa libre nga school supplies.
