Ang lider sang ginakabig isa ka kulto sa Kenya nga gin-angot sa kamatayon sang masobra 400 ka indibidwal, ang ginpamatbatan sang 200 ka tuig sa prisohan para sa pagpatay sa 191 ka tawo.
Ang pinakamataas nga korte sa ciudad sang Mombasa, Kenya ang nagpamatbat sang sentensya para kay Pastor Paul Mackenzie.
Ang pastor ang na-convict sa pagpatay sa 190 ka mga kabataan kag isa ka adult matapos ini naghatag sang direktiba sa iya mag sumulunod nga gutumon ang kaugalingon tubtob sa kamatayon agud personal nga makita si Hesus.
Si Mackenzie ang nagapangatubang man sang terorismo kag manslaughter charges para sa masobra 200 ka iban pa nga mga biktima, kasubong man sang child abuse kag torture charges sa magkatuhay nga korte.
Ginpahayag ni Justice Diana Kavedza nga si Mackenzie, leader sang Good News International Church, ang nagapanguna nga responsable sa krimen sa pagmando sa mga tumuluo nga magkadto sa isa ka lokasyon kag mag-fasting tubtob nga sila ang ginbawian sang kabuhi.
