Gindayaw sang tiglikom sang Department of Energy (DOE) ang liderato sa Bacolod City sa pagwelcome sang Ways to Energy kag Solar Project.
Nahibaluan nga nagpirma na sang Memorandum of Agreement ang ciudad para sa Waste to Energy kag Solar Solution for Government projects.
Tinutuyo sini nga ma-institutionalize ang energy effeciency paagi sa LED lighting systems kag iban pa nga paagi sa paggamit sang solar energy.
Isa man sa target ang paggamit sang Sanitary Landfill sa Brgy Felisa sa paggenerate sang kuryente.
Suno kay Energy Secretary Sharon Garin, ginakalipay sini nga makita ang interes sang Bacolod City nga nagapakita nga progressive ang liderato.
Pahayag sini nga sa pagluntad sang baha, indi lamang ang flood control ang ginabasol kasubong man ang tuman ka damo nga basura.
Pinaagi sa Waste to Energy project, ang paghimos sang mga basura ang indi na lamang para sa sanitation, ini ang makahatag naman sang energy, padulong sa cleaner and better Bacolod.
