Madamo na sang nabuligan ang LIFELINE International Health Institute – Silay nga mga caregivers nga nagatrabaho na sa luwas sang pungsod kag sa karun padayon ang ila pagbaton sa luyag magtoon sang caregiving.
Sa interview sang Bombo Radyo kay Melanie Christy Laud Villones, Training Center Manager, sadto may mga tiya ini nga gina-atipan nga naga-edad sang 70 kag 88 anyos.
Suno diri, sadto nagpati siya nga basta gina-atipan sini ang iya mga tiya, husto na ang iya ginahimo.
Apang sa LIFELINE International Health Institute didto sini natun-an kun ano ang insakto nga pag-atipan.
Sa karun ang buluthuan nagabaton sang luyag nga magtoon sang caregiving kun sa diin iban sa mga estudyante nila mga graduate sang kilala nga unibersidad nga nagsulod sa buluthuan agud magtoon sang caregiving para mas dako ang ila tsansa nga makapadulong sa luwas sang pungsod para sa mas dako nga sweldo.
May yara sang schedule para sa weekdays nga klase, sa weekends, kag night class bangod iban may trabaho pa kag naga-eskwela man.Mahibaluan nga ang LIFELINE International Health Institute amo ang pinaka-una nga Caregiver Training sa Western Visayas.
