Ginreveal ni Noel Ferrer, ang manager ni 2020 Tokyo Olympics gold medalist Hidilyn Diaz, nga wala sang kamatuoran ang lifetime free fuel supply nga tubtob sa karun wala sini na-avail.
Madumduman nga nakabayon si Diaz sang lifetime fuel incentive matapos sini mapauli ang pinakauna nga gold medal sa 2020 Tokyo Olympics sa women s 55kg weightlifting.
Bangod sa pagsaka sang presyo sang produktong petrolyo, madamo sa mga netizens ang nahisa sa incentive nga ginhatag kay Diaz.
Apang, ang manager ni Diaz nagpahayag nga drawing lamang ang lifetime nga fuel supply kag nagahipos lang si Diaz angot diri.
Dugang pa sini, indi na ini maghatag anay sang dugang nga pahayag agud malikawan nga may mang-bash sa iya apang suno diri, mas maayo kun seryusohon ang pagbuya kag pagtuman sang mga tinaga.
Kasunod sini, nagpagwa man sang official statement ang Pheonix Petroleum, nga nagapanindugan nga gintuman nila ang commitment.
Apang suno diri, gin-untat nila ang libre nga gatong matapos nag-engage si Diaz sa iban nga fuel brand.
Samtang, wala pa nakahatag sang pahayag si Diaz angot sa isyu.
