Nagpahanumdom ang miyembro sang National Executive Board of Director sang Liga ng mga Barangay sa mga sitting Barangay Officials nga ipadayun ang commitment sa barangay kadungan sa pag-extend sang termino.
Ini kasunod sang pagpirma ni President Ferdinand “Bongbong” Marcos sang layi nga nagapostpone sang Barangay and Sangguniang Kabataan Elections sa Nobyembre 2026, gikan sa kuntani sa Disyembre 1, 2025.
Sa interview sang Bombo Radyo Bacolod kay Regional Board President sang Liga ng mga Barangay sa Western Visayas kag Association of Barangay Captains President sa Bacolod City Lady Glez Palen, sila ang nagwork-out sa approval sang layi.
Ini bangod ang mga nagapungko sa karun nga Barangay and SK officials ang magapungko lamang sang duha ka tuig imbes nga tatlo ka tuig santo sa Local Government Code.
Para kay Palen, ideal ang Republic Act 12232 nga nagapalawig sang term of office sa apat ka tuig.
Suno diri, sa duha ka tuig nga pagpungko, madamo pa sang proyekto nga talapuson.
Paathag sini nga nagpungko Nobyembre ang mga current officials, gani ubos na ang budget sa ila pagpungko, lima ka bulan ang pagprocess sang bond, gani indi man makahulam sa bangko nga nagakahulugan nga wala man budget sa mga proyekto.
Dugangan pa ini sang mga seminars, kag plano sa pagpatigayon sang mga programa.
Pasalig naman sini nga sila ang magapatigayon man sang close monitoring.
Panawagan ni Palen sa mga incumbent barangay officials nga ipadayun ang commitmen kag goal nga na-aman para sa tagsa ka Barangay, kag magserbisyo sang matuod-tuod.
