Lights on ceremony sa Bacolod City Public Plaza, ginpangunahan ni Mayor Leonardia; gintambungan sang linibo ka mga pumuluyo

Ginpangunahan ni Mayor Evelio “Bing” Leonardia ang lights on ceremony sa Bacolod Public Plaza pasado alas 7:00 kagab-i.

Sa pagpadulong sang Bombo News Team sa lugar, kapin 95,000 Christmas lights ang gin-install sa public plaza.

Kagab-i, ginabanta indi magnubo sa 1,000 ka mga pumuluyo ang nagtambong sa lights on ceremony apang antes magsugod ang event, nagpahanumdum ang alkalde nga magsuksok gid sang face mask.

Sa speech ni Leonardia, ginpabugal sini ang pagkilala sa Bacolod bilang Most Business Friendly City sa bilog nga Pilipinas.

Suno sa iya, kun matapos na ang pandemic, magabalik naman ang negosyo sa ciudad.

Nagpanugyan ini sa mga Bacolodnon nga magbinuligay para sa ikaayo sang tanan.