Nangin madinalag-on ang ginpatigayon nga lights on ceremony sa Negros Occidental Provincial Government kadungan sang pagselebrar sang kaadlwan ni governor Eugenio Jose Bong Lacson.
Kagab-i, nagpatigayon sang lights on kag Christmas Party ang kapitolyo probinsya kun sa diin nagpatigayon sang cheerdance competition ang mga empleyado nga ginhatagan ni Vice Governor Jeffrey Ferrer sang tag P10,000 cash prize ang kada grupo kag may yara man sang P500,000 worth of prizes nga paraffle.
Yara sa selebrasyon ang miyembro sang Sangguniang Panlalawigan, Vice governor Ferrer, provincial adminstrator Atty Reyfrando Diaz, 303rd Infantry Birgade Commander Brigadier General Orlando Edralin, Negros Occidental Police Provincial Office Director Police Col Leo Pamitan kag department heads kag barangay kapitolyo samtang nasurpresa naman si Lacson nga yara ang iya iloy.
Mensahe ni Lacson, dako ang iya pagpasalamat sa tanan nga nagtambong kag nagpartisipar sa programa sang kapitolyo.
Liwat sini nga ginbalik ang promisa niya para sa mga Negrense nga igatrabaho sang Negros Occidental Provincial Government ang tanan nga ila ikasarang para sa kamaayuhan kag pagsanyog sang probinsya.
Ginkalipay man sini ang tanan nga kadag-an sang probinsya kaangay na lamang sang nabaton sini nga award nga Seal of Good Local Governance kag 2023 Gawad Parangal Award nga pagahiwaton subong nga adlaw sa Manila.
