Ginpahayag ni Engineer Loben Raphael Ceballos, pinuno sang Bacolod City Engineer’s Office nga posible maka fully operate na ang artificial intelligence traffic lights sa bulan sang Disyembre.
Suno kay Ceballos, P16 million ang budget sa una nga tatlo ka AI traffic lights nga gin-install sa ciudad, samtang ang dugang naman nga lima ka AI traffic lights ang may budget nga P25 million.
Ang lima ka AI traffic lights ang gina-amat amat na nga ginbutang sa bahin sang BS Aquino Drive – San Juan St; Burgos St – San Jaun St; Burgos St – Brgy Estefania, Sofia Gonzaga; Alijis Rd – Lacson Extension; kag Araneta Ave – Carlos Hilado Ave.
Sarang sang AI traffic lights nga magdetect sang numero sang salakyan sa dalan kag maghatag sang adjustment sa pagdireher sang trapiko.
Ginalauman sini nga mangin fully operational na ang mga artificial intelligence traffic lights antes pa man matapos ang karun nga tuig.
