-- ADVERTISEMENT --
Dakop ang lima ka mga suspetsado kag na-dismantle ang isa ka drug den sa high impact buybust operation nga ginpatigayon sang Philippine Drug Enforcment Agency (PDEA) Negros Occidental sa bulig sang PDEA-Aklan kag Iloilo teams sa Barangay 6 ciudad sang San Carlos City nagligad nga Domingo sang gab-i.
Ginkilala ang mga suspetsado kanday Danilo More, Criz Jean Fernandez, Wilmar Talledo, Joseph Abordo kag Christian Zapanta.
Natigayon nga makuha sang grupo ang 13 ka mga sachet sang suspected shabu nga ginabanta nagabug-at sang 16 gramos.
Ginahanda na karon ang kaso nga paglapas sa RA 9165 ukon Comprehensive Dangerous Drugs Act of 2002 nga ipasaka batok sa mga suspetsado.
-- ADVERTISEMENT --
