Nadugangan sang lima ang kompirmado nga mga kaso sang coronavirus disease 2019 sa Negros Occidental samtang isa naman ang nagdugang sa ciudad sang Bacolod.
Sa COVID-19 Case Bulletin No. 95 nga ginpagwa sang Department of Health kahapon, ang mga taga-probinsya nga nagpositibo ang ginalakipan sang isa ka 26-anyos nga OFW nga babaye nga taga Valladolid; isa ka 33-anyos nga lalaki nga LSI, taga Hinobaan; 23-anyos lalaki nga LSI, taga Binalbagan; 20-anyos nga lalaki nga LSI, taga banwa sang Murcia; kag 33 anyos nga lalaki nga LSI, taga Sagay.
Ang taga ciudad sang Bacolod naman ang isa ka 24-anyos nga lalaki nga overseas Filipino worker.
Nahibaluan nga yara na nga daan sa mga quarantine facility ang mga ini antes pa magwa ang resulta sang ila swab test kahapon.
